روايه ((((*فاطمة وماجد*))))

السلام عليكم

قصه رائعه عليكم متابعتها حتي نهايه أحداثها ولكن وقبل الانطلاق مع احداث تلك القصه الرائعه أحببت أن انوه علي نقطه مهمه الا وهيه أن فكره هذي القصه مقتبسه من قصة كاتبه كوتييه أسمها (سحر)
مع تغير لبعض الاحداث والشخصيات لذا جري التنويه واذ عجبتكم وكان هنا ردود وتشجيع سوف اقوم كل يوم بطرح حلقاات تلك القصه الرائعه
------------------------

ابو ابراهيم(منصور)رجل باالخمسين من عمره أرمل شخص مريض باالقلب والسكر والفشل الكلوى وعيبه الوحيد ان ذمته وسيعه بمعنى اخر مايميز بين الحلال والحرام في التجاره ينصب علي عباد الله ولا يكترث لهم (فاطمه)عمرها20سنه توفت امها وهي عمرها سته اشهر بسبب حادث أليم راح ضحيته اخوها (ابراهيم)ا وامها وذالك في أحد ليايلي رمضان وهم متجهون الي مـــكه لاأداء فريض العمره ومانجى من هالحادث الا (فاطمه) بفضل الله عوضها ابوها عن فقدان امها وهي الحين ثاني جامعه بنت مثل فلقة القمر حلوه بكل معنى الكلمه تحب شي اسمه رقص وتمارين رياضيه تخاف تمتن وطبعها هاديه ومسالمه وتكره المشاكل بنات الجامعه يكروهونهابسبب غيرتهم من جمالها وتفوقها عكس ابوها الي كان معروف بالسوق بنصبه واحتياله على التجار وكان شعاره<<التجاره شطاره>>ماحسب لليوم الي ممكن يتدهور فيه.
ماجد ولد اخت منصور شاب وسيم عمره30 سنه يشتغل ضابط و اكثر شي يكره بالدنيا خاله (منصور)من كثر مايسمع عنه وعن نصبه واحتياله وزاد هالكره كلام امه (مشاعل) حيث كان شديد القسوه عليها وكان يضربها ويظلمها واخذ حقها من ميراث ابوها
الجزاء الاول
ابو ابراهيم :ياصوري(الخدامه)روحي نادي فاطمه تفطر بتتأخر على جامعتها
صوري:بابا هي قول خلاص رقص يجي علي طوول
ابو براهيم(بزعل):ياهذاالرقص الي مايخلص كل يوم
فاطمه(وهي نازله مع الدرج سمعت ابوها)قالت بضحكه:صبــــــــــــاح الخيــــر يا احلي ابو بالدنيا شفيه الحلو مبوز على هالصبــــــح
ابوها(بزعل):يعني ماتدرين الله يهديك بس :يا لله كملي يا بنتي فطورك ترى تأخرنا
فاطمه(بضحكه ودلع وغرور وتأشر على خشمها):ان شـــــــــــــاالله على هالخشــــــــم المزيون
بعد ماخلصت فطورها قال ابوها:لاوالله يعني هذا فطورك!!!
فاطمه(بضحكه):تعرفني يبه اكلي خفيف وانا ماشتهي بس اكلت علشان عيونك
ابوها:يابنيتي صدقيني ماراح تمتنى لو أكلتي مره مثل الناس
فاطمه:يبه حفظت هالاسطوانه كل يوم اسمعها
ابوها:أمرى لله عنيده صدقت نوره يوم قالت طالعه على امي ((يقصد جدتها ام امها))



فطوم:ههههههههههه
خلصو فطور وطلعو عشان تاخرو علي الجامعه
في بيت ماجد((فيلاء تطل علي البحر الاحمر))
مـاجد :صباح الخيـــــر يمه
ام ماجد:هلا صباح النور هلا بنور عينى
جلس يفطروامه تصب له الشاى وتمده عليه
قالت:ابيك توصلنى على طريقك عند خالتك اميره
ماجد بتنهد:ان شاالله
امه (لازم اكلمه بموضوع زواجه من بنت اختي):ترى بكلم خالتك بموضوع خطبتك لبنتها (روان )
ماجد:الي تشوفينه ياست الكل
طلع ماجد ونزل امه عند بيت خالته
وهو في طريقه لدوام دق جواله>>>>>>> احمد يتصل بك
احمد((صديق ماجد وفي نفس عمره ومعاه بنفس العمل ضابط مثله))
احمد(بصوت عالي):ماجد الحق صارت مصيبه
ماجد(بخوف):احمد وش فيك وش صاير هدى نفسك وقولي
احمد :تعال وتعرف بسرعه
في قسم الشرطه وتحديدا مكان عمل (ماجد)
وصل ماجد بسرعة البرق
اول مادخل انصدم من الي شافه خاله (منصور) ماسكينه باالقسم
دخل على مكتب أحمد وقال بنرفزه:وش حصل وش عنده خالي هنا؟؟؟
احمد(بضيق):مسكو خالك بسبب قضية نصب واحتيال
ماجد (وهو بقمة الاحراج والفشيله )قال :مو جديد عليه النصب وش المطلوب مني اتوسط له مثلا!
احمد(بحزن):مراح تنفع واسطتك لان المحكمه بتحكم بالقضيه غدا هو طلب يشوفك ضروري
ماجد(بتعجب):انا ليش يبي يشوفني!
احمد:مادري بدخله لك واسمع منه وشوف ايش يبي منك
بعد فترة دخل (منصور) وهو منزل راسه وحاس بالعجز وقلة الحيلة
لاكن بعد ايش بعد ماطاح الفاس بالراس
ماجد(وهو يلتفت لخاله)(اكرهك ياخال وزاد كرهي لك اليوم بعد مافشلتني قدام زملائي)قال بعصبيه:خيــر يقولون طالبني شتبي؟
منصور(بحزن)(ادري ياماجد بتقول توك تذكرني بس غصب عني بسبب امك)قال:ادري انك بتقول توك تذكرت ان عندك ولد اخت بس شسوي احس اني عاجز ومحتاج مساعدتك ضروري
ماجد(بتأفف):ترى وراي شغل قول شعندك
منصور(بحزن):بنتي ياماجد
ماجد(بتعجب):بنتك!شفيها؟؟؟
منصور)بنتي وحيده ومالها احد غيري وانا مثل ماانت شايف
ماجد(بنرفزه)(وانا وش خصنى فيك وفي بنتك):المطلوب مني؟؟؟
منصور(بحزن):ازوجكياها عشان اتطمن انها بخير
ماجد وعيونه تدور بين خاله وأحمد الي جالس معاهم قال (بعصبيه):ايش عيد ما سمعت
منصور(بترجي):تكفى وانا خالك لاتردني
أحمد(كسر خاطره منظر منصور وخوفه على بنته)قال لماجد لاتنسى تراها عرضك وابوها يقول مالها حد غيرك
ماجد(وهو متفشل من كلام احمد سكت مايدري ايش يقول)
طال صمت ماجد واضطر احمد انه يطلع ويخليهم
بعد فترة قال ماجد من غير نفس:خلاص موافق
منصور(والفرحه بعيونه لانه تطمن على بنته)قال(بفرح):مشكور والله يجزاك خير روح اجل جيب الماذؤن بســـرعه
ماجد(بتعجب)(مالت ماصدق يفتك منها)قال:الحــيـن!!!
منصور ايه الحين لان كل املاكي احجرو عليها حتى البيت فلازم ماتقعد فيه من اليوم
ماجد(في خاطره)(انا تفشلني هالاشكال بس هين ان ماأخذت حقي من بنتك الي بتزوجنياها)سكت شوي بعدين قال(آآآآه يا القهـر ماجد الي الكل يتمناه يتزوج بنت مجرم وباقسم الشرطه هين ياخال والله لارد اعتباري من بنتك انا انت مااحبك فشلون بنتك اكيد بتكون مثلك نصابه)
طلع ماجد وشاف احمد
احمد وهو يسأل:ايش صار ؟؟؟
ماجد(بتنهد):شنو توقع بسوي
احمد:
اكيــــــــــــد بتوافق عشان ضميرك يبي يأنبك اا خليت بنت خالك بروحها
ماجد(بعصبيه):أي وافقت بس مو عشان ضميري عشان احرق قلبه في ضناه ان ماخليتها خدامه وذليتها مثل ماابوها ذل امى وطردها وسلب حقها
احمد(بتعجب):ماجدايش جالس تقول انت اكيد تترييق
ماجد(بصراخ):لاوالله مااتريق وبتشوف ايش اسوي فيها
احمد(بعصبيه):خاف ربك ايش ذنب البنت
ماجد(بعصبيه):ذنبها انه ابوها وبلاني فيها غصب انا هو مااطيقه نصاب حرامي اشلون بنته
احمد(بحزن):لاتشمت ياماجد الشماته مو زينه ولاتظلم بنت بذنب ابوها
ماجد(بنرفزه):انت ماتعرف خالي ايش سوا في امي كان ماقلت هالكلام
احمد(بهتمام):شنو سوى فيك يا ماجد انت بس تكرهه عشان نصبه على الناس
طلع ماجد وهو واصل حده من كلام احمد وراح يجيب الماذؤن عشان يخلص موضوع الزواج
بعد مرور ساعه
وصل ماجد ومعاه الماذؤن دخل على خاله وتمت الملكه
وصارت الحين فاطمه حمامة السلام بين يدين النسر ماجد ماتدري ايش راح يواجها من مصير مع ماجد
في بيت ابو براهيم ( منصور)
فاطمه بعد مارجعت من الجامعه مع السايق سألت عن ابوها وانتظرته على الغداء وماجا
سألت الخدامه عنه اذا اتصل او شي فقالت لها انه من طلع مااتصل ولا رجع للبيت
حست فاطمه بالخوف وقعدت تتصل فيه وحصلت جهازه مغلق راحت ونامت ووصت الخدامه اذا وصل تصحيها لانها ماتعودت تاكل بدونه
بعد الملكه اخذ ماجدعنوان بيت خاله الي ماقد دخله طول عمره ولا يعرف طريقه وراح للعنوان
في الطريق دق على امه وقالها عن السالفه كلها وانها تجهز غرفه لهالعله بنت خاله
ثارجنون (ام ماجد)وقامت تسب وتلعن في اخوها منصور وبنته وتتوعد بتعذيب بنته
عشان تبرد حرتها من منصور ؟
بعد ماوصل ماجد للعنوان وهو يسفط سيارته
ماجد(وهو واقف عند باب بيت خاله)(يفكر كيف بتكون ردت فعل بنت خاله اذا اعرفت ايش صار لابوها وايش ينتظرها من عذاب معاه)
وهو يدق جرس الباب فتح له السايق دخل بسرعه ولاعبره حاول السايق يمنعه بس يوم شاف لبسه الرسمي وقف وسكت<مافي اليد حيله> خاف يتسفر ههههه
دخل البيت وهو في نص الصالة طالع في فخامة البيت وقعد يضحك وقال:ههه والله وطحت ياخال ومحد سمى عليك صدق لي قالو مال الحرام مايدوم
صرخ ماجد بأعلى صوته للخدم جت صورى وهي ترجف من الخوف قالت:يس
ماجد(بصــــــراخ):وين الانسه فاطمه(يتطنز)
صورى(بخوف):في دار نوم بابا منصور في شي
ماجد(بعصبيه):وانتي وش لك خص روحي نادي هالعله بسرعه
في غرفة فاطمه صحت على صوت الصراخ ونادت الخدامه بس ماسمعتها وبعد فترة جتها صورى وهي ترجف من الخوف
صورى:ماما في تحت بوليس يبي انتي ضروري
فاطمه(وقلبها يرجف من الخوف):ياويلي اكيد صار لأبوي شي ياحسرتك يافاطمه ضعتي
لبست بسرعه وراحت جرى تبي تعرف وش السالفه نزلت ودخلت الصالة ولاتشوف ذاك الرجال الي واقف والشرار يتطاير من عيونه من العصبيه
(وقفت قدامه وهي ترجف وعيونها تدمع):خير اخوي ابوي فيه شي
طمني الله يخليك عليه
ماجد(وهو رافع خشمه ولف يطالع بفاطمه بكبرياء بس يوم شاف وجها الملائكي حس بكهربه بس مسرع ماصد هالاحساس)وقال(بنرفزه وهو يأشر بصبعه عليها):الحين انتي فاطمه بنت خالي منصور؟
فاطمه(صدق فاضي وهي مصدومه من كلامه):ممكن اعرف ابوي وين وانت شتبي جاي هنيه؟؟؟؟
ماجد(جاي اخذ حقي يابنت منصور):ابوك ممسوك عندنا بقضية نصب واحتيال وبكره محاكمته يامدام
فاطمه(بخوف):انت اكيد تكذب علي
ماجد (بعصبيه):وليش اكذب عليك يامدام
فاطمه(شفيه ماسك علي يامدام وهي ساكته)
ماجد وهو يكمل:وقبل لايقطونه بالسجن تذكر ولد اخته قال خل اضمن مستقبل بنتي
وازوجها له بس موعلى كيفه يتحكم بمستقبلي انا هو مااحبه شلون اخذ بنته
فاطمه(بصراخ في وجه ماجد):كذاااااااااااااااب ابوي مو نصاب انت النصاب والxxxx
ماجد(راح لها بسرعه وجرهاااا من شعرها)وقال:انا النصاب يابنت النصاب
ورماها على الارض بدون رحمه وقال(بعصبيه):شوفي قدامك ساعه على ماتلمين اغراضك
فاطمه(وهي تصارخ وتبكى)وصورى ماسكتها وتقعدهاقالت:مراح اطلع من هنا فاهم
راح لها ماجدووقف قدامها وجرها من خدودها وقال :لابتمشين غصب لان العز الي انتي عايشه فيه ماعاد لكم وبعدين بتجين عندي في بيتي خدامه فاهمه خدامه
طلعت فاطمه الدرج وهي تصيح ومعاها صورى الي شهدت كل الاحداث راحت لغرفتها وجهزت لها صورى كل اغراضها ونزلتهم لسايق ياخذهم لسيارة ماجد
بعد فترة جهزت فاطمه ونزلت تحت وهي خايفه من مصيرها المجهول مع هالماجد
ركب ماجدسيارته(بي إم دبليو)ينتظر فاطمه تطلع وعصب لانها طولت بعد فترة طلعت فاطمه من بيت ابوها وهي تودعه بنظراتها الاخيره له ماتدري هل بيجي يوم وترد لهالبيت وتعيش مع ابوها مثل اول او لا
ماجد (فتح قزاز سيارته وهو يصرخ):يله بســــــــرعه سواق ابوك انا
فاطمه(بخوف)وهي تفتح الباب الخلفي وتركب
ماجد(ماعلق على ركوبها ورى)(وقال بنفسه فـــكـــــــــه)قال لها(بعصبيه):ساعه على ماتجهزين مصدقه نفسك انك عرووسه مالت عليك وعلي ابــــــــوك
__________________________________________________ _________
كيف راح يكون نوع استقبال ام ماجد لفاطمه؟؟؟
وايش توقعون مصير فطوم مع ماجد؟؟؟
اذا عجبتكم راح اكملها واذا لا راح اكتفى بهذا القدر
تحياتي لكم


وانتضروني مع البارت الثاني

البآآآرت الثاني
______________________

تغدى ماجد مع امه وطلع عند فاطمه يوصل لها رسالة امه وهو في خاطره كان مشتاق لها لان لها اسبوع ماتفارق غرفتها
دق الباب
فاطمه كانت منسدحه علي بالها الي يدق لارا خادمة ام ماجد
دخل ماجد واول ماشافته انتفضت وعدلت جلستها قالت بخوف:انت ؟
ماجد بستهزاء :أحد قالك ان مالي اسم
طالعت فيه بحتقارقالت :لا بس مايشرفني انطق اسمك
ماجد بعصبيه :ايش قلتي
فاطمه ماهتمت وقالت :ماقلت شي ليش جاي هنا وش تبي
ماجد بعصبيه :بعديهاا هالمره لاكن ان عدتيها ماتلومين اإلا نفسك وأسمعي الي بقوله للك ونفذيه باحرف الواحد فاهمه
فاطمه لفت راسها للجهه الثانيه بمعنى مابي اسمع منك شي
جاها مسرع وجرها من يدها ولفها ناحيته قال:لما اكلمك لاتصدين
عقدت فاطمه حواجبها من الم وشد ماجد على مسكته ونزلت عيونها بالارض دليل على الاستسلام ونزلت منها دمعه شتت تفكير ماجد وقالها بصوت عالي :أسمعي يافاطمه لاتحسبين نفسك بيت ابوك وعندك من يخدمك لا اصحي انتي عندي هنا خدامه سمعتي ولا اعيد
فاطمه بصراخ :لاسمعت لاتعيد بس ايش المطلوب مني عشان اسويه
ماجد طالع فيها وقال :اولا عادة الأكل بالغرفه خليها ومن اليله بتاكلين معانا تحت
قاطعته فاطمه :مو تقول خدامه بس الخدم ماياكلون مع اسيادهم
مسكها من كتفها وشد عليها وقرب من وجهها:اعتبـــــــــــري نفسك خدامه بس لها معزه خاصه عند اسيادها عشان كذا تاكل معاهم
حست فاطمه انه يتريق بكلمة معزه هي وين والمعزه وين مع هالمعامله ماقدرت ترد
ماجد (وهو يكمل):ثانيا لمن تقومين الصبااح تساعدين لارا البيت كبير وماتقدر عليه كنت بجيب وحده ثانيه فالحمدالله جتنا خدامه وبلاش بعد
طالعت فيه وعيونها فيها الف سؤال كل هالكره والقسوة عشان فلوس لاراحت ولاجت اخذها ابوها قالت بقلبها صح ضعيف نفس بس لا انا لازم اقوله اني بشتغل عندكم عشان اوفي الدين الي على ابوي لكم ردت عليه:لايا ماجد مو بلاش
فتح عيـــيونه على كبرها وقال ايش قصدك
فاطمه(طالعت فيه)وقالت:انك تعتبر الفلوس الي اخذه ابوي منكم دين انا راح اقوم بتسديده وصدقني ما راح اقصر بشغلي بشي
(استغرب ماجد من كلامها هو وده انها تخدمه هوبس)قال:يعني بتوفين دين ابوك
فاطمه(بحزن):ياليت اقدراوفيه راح اشتغلت لك ولامك خدامه بس عشان لما يطلع ابوي يكون ماتطلبونه شي
كره ماجد نفسه بعد كلامها وقال:وكرامتي اشلون بتوفين حقي فيها لمافشلني قدام زملائي وقال بزوجك بنتي الحرامي
نزلت فاطمه راسها بأسى وقالت بصوت واطي:ماجد شوف الي يريحك وتعتبره رد لكرامتك سوه فيني مهما كان لانه ابوي بضحي عشانه حتى لواذنب بحقي بظل احبه لان مالي غيره في هالدنيا بعدالله
حس ماجد برجفه من كلامها ماتوقعها انها ترضى بالذل والمهانه عشان ابو مايستاهل انها تكون بنته ماقدر يرد عليها وطلع متاثر بالي قالته بعد ماطلع عنها
كانت جالسه على سريرها كان ودها تبكى قالت لالا تبكين كفايه لازم تضحين عشان ابوك ومن اليوم بعد وتحملي دعت ربها يصبرها وانه يساعدها خذت لها شاور ولبست برمودا ورديه رفعت شعرها نزلت تبدا شغلها كخدامه من اليوم عند ماجد وامه
(في الشغل عند ماجد)
كان جالس مع أحمد
أحمد بتعجب : انت صادق يا رجل
ماجد ايه صادق خل اختك تقدم لها خطاب اعتذار عن الدراسه لان مراح اخليها تروح الجامعه بعد اليوم
احمد بترجي :ماجد البنت متفوقه والكل يسال عنها واختي لما درت انها زوجتك قالت لي اقولك الانها تعزها وتبي مصلحتها لايكون قلبك قاسي وتكون انت والزمن عليها
ماجد بعصبيه :قول لاختك مشكورة لاتعب نفسها
سكت أحمد بعد كلام ماجد الي ماعجبه قام وطلع من عنده
(في بيت ماجد )
بعد مانزلت ماحصلتهم في البيت قالت في قلبها فكه
نزلت ووقفت على الدرج نادت لارا
سمعت لارا صوتها وراحت لها بابتسامه:يس مدام
فاطمه ردت لها الابتسامه قالت:وين كنتي
لاراء :في متبخ سوي عشا ابتسمت وكملت مدام انتي اليوم واجد هلووو حمدالله
فاطمه بنفسها أي هلو واي بطيخ وانا مثلي مثلك خدامه عالاقل انتي جايه برضاك موغصب واذ أذوك في مكتب ياخذ حقك منهم لكن انا من لي بعد الله غير ابوي وبالسجن سرحت وماحست الاراء تقول لها
مدام يبي اكل عشا الحين عشان انا مايقدر يودي فوق ماما جنجاال
فاطمه تذكرت كلام ماجد لها تنهدت وقالت :لا انا باكل تحت معاهم بس ابيك تعلميني الطبخ وشغل البيت اوكي لاراء بضحكه: ليش يبي يشتغل تباخه مدام كلا بنات هنا مايدخل متبخ
فاطمه شقول يالاراء هذاك اول لما كنت بيت ابوي الله يرجعه لي بس الحين وانا عند ماجد مو بس طباخه إلاخدامه بعد
ساعدت لاراء بالشغل وعلى الساعه ثمنيه خلصت
جلست بالصاله
ماجد دخل وشافهاقدامه وقف فتره يتاملها ولسان حاله يقول (ياويلي من الوردي) قال:سلام
فاطمه بخوف:وعليكم السلام
ماجد
ببرود:وين امي
فاطمه وانا شدراني عن امك
ماجد :اشلون ماتدرين من متى طالعه
فاطمه ببرود:مادري من نزلت ماشفتها وبعدين ترى انا خدامه هنا مو مسجله لطلعات امك
ماحست الاوالكف علي وجهها طاحت من قوة على الكنبه جرها من شعرها وقال:احترمي نفسك ولسانك لقصه لك فاهمه
فاطمه كرهت نفسها على كلمتها قالت وهي ترجف خوف:اسفه ماكان قصدي
فك شعرها الي تمنى لويتحسسه بدون عنف جلس يطالعها وهي تقاوم ادموعها الي بتنزل حطت يدها على خدها وقامت وقبل تروح قالت:احط عشاك ولابتنطرامك
ماجد خانقته العبره ليش ياربي اضرب هذىلخدود شوهت وجهها قال:ايه حطيه وامي اعتقد بتعشا برا دامها ماجت للحين
راحت للمطبخ تقاوم صياحها شافتها لاراء وماسالتها عن شي
حطت العشا وخدها مولع من قوة الكف وجت بتروح لاكن وقفها صوته لما قال :وين رايحه ماتبين عشا موقلت لك مافيه عشاء فوق
فاطمه وين اقدر اكل بعد هذا الكف الله ينتقم منك قالت:لافوق ولاتحت لاني ماشتهي اكل
ماجد عصب لانها بتنام بدون عشا:والي يقول بتاكلين غصب يافاطمه
فاطمه ابوي ماقدر يوكلني غصب بتجي انت تغصبني :مافيه اكل بالغصب
ماجد انا مو مثل ابوك عندي طريقه تخليك تأكلين
فاطمه لاشكلي باخذ كف ثاني عشان اكل خليني اقصر الشر واجلس احسن لي جلست وهي منزله عيونها بالطاوله ماتبيه يشوف ضعفها وخوفها
ماجد فرح لما جلست حس انه شبعان وهوه ماأكل
فاطمه خافت انه يشوفها ماأكلت قامت تغصب نفسها
بعد ماخلصت قامت وراحت للمطبخ تنتظره ا لين يخلص عشان تساعد لاراء
بعدماخلصت طلعت فوق أخذت لهاشاور شافت شنطة الكتب راحت لها فتحتهاا وجلست تطالع بكتبها اشتاقت للجامعه قالت اكيد فصلوني صارلي عشر ايام غايبه شافت لها مذكره كانت مزخرفتها عشان تكتب فيها الاشعار والخواطر الي تعجبها ابتسمت وقالت شكل هالمذكره بتكون فيها احداثي بعد الي صار الابوي موللاشعار والخواطر
تنهدت بحزن صارلها عشر ايام ماتدري عن ابوها شي شافت جوالها واخذته فتحته لانها اغلقته من جات بيت ماجد لقت فيه عشرين مكالمه من رقم ماتعرفه شافت الساعه حصلت الوقت متاخرقالت بكره ادق وأشوف مين
__________________________________________________ _____________
تتوقعون من هو صاحب الرقم الي دق عشرين مره وش يبي وش علاقته بفاطمه وماجد ؟؟

البارت الثالث لعيونكم
______________________________________
(في بيت احمد )
كان عنده اخته نوال(زميلة فاطمه وكانت من اشد المعجبات فيها وحزنت لما درت بالي صار لها كانت تعتبرها مثل اختها تحب تجلس معاها
احمدبحزن :هذا الي قاله ويبيني اوصله لك
نوال بضيق:مايخاف ربه ليش يحمل هالمسكينه ذنب ابوها الله يصبرها بس
احمد :امين
نوال :تصدق ياحمد طول عمرها مسالمه وماتحب المشاكل لدرجة مره في بنت حاقده عليها قطعت نتوتها ولماسألوها تشك بحد قالت لا معنها تعرفها
احمد باهتمام:لهدرجه شخصيتها ضعيفه اجل مراح تعارض ماجد باي شي يسويه فيها
نوال :موضعيفه هي باسلوبها كذاا قدرت من خلاله تكسب صداقة أعدائها
احمد بتنهد :اجل بتكسب قلب ماجد
نوال بعصبيه:هالاشكال لها قلب الاتعال هو ماخذ جوالهاا صار دقيت كثير عليه ويعطني مقفل
احمد :ماعاد استغرب على ماجد شي كل شي ممكن يسويه
نوال:لاتصادق هالاشكال يااحمد
احمد يتلفت قال:الا وين هند والعيال ماشوفهم(زوجة احمد هند وعياله عبدالله وعبدالرحمن)
نوال :يوه نسيت اقولك اخذتني السوالف عن فاطمه هند راحت الاهلها خالتها جايه من المدينه وقالت لي اقولك الانها دقت عليك ولقت جهازك مقفل
احمد :يوه شكلي انا بعد اخذتني السوالف ونسيت احط تلفوني في الشاحن الانه فصل علي وقام وراح عنها وهيه للحين تفكر اشلون تساعد شيخه


(بغرفه فاطمه )
كانت منسدحه على سريرها وتحوس بجوالها وتفكر بجامعتها بتروح لها او بتنحرم منها جلست تفكر لين غلبها النوم ونامت
طلع ماجد بعد ماجلس مع امه بعد ماجت من براء وهو طالع شاف نور غرفتها مولع استغرب قال معقوله مانامت وهي طلعت من زمان خليني اشوفها
اول مادخل لقاها نايمه وهي متكوره على مثل البزراين وبدون لحاف خاف لاتبرد قال بغطيها جا عند سريرها وقف يطالع فيها كره نفسه لما شاف اثار يده طابعه على خدها الناعم رفع الغطى وغطاها بس هي حست فيه وقامت مفزوعه وطاح الجوال منها
فاطمه بخوف:شتبي ليش تدخل علي وانا نايمه
ماجد ماهتم لكلامها مد يده واخذ الجوال قال :ايش هذا
فاطمه مالت لهدرجه حجري ومايعرف انه في اختراع اسمه جوال
ماجد بعصبيه :من كنتي تكلمين ردي
فاطمه ببرود :ماكنت اكلم احد
ماجد خذا الجوال وجا بيطلع قالجوالك هاذا انسيه مررررررره
فاطمه مو مشكله بنساه مثل مانسيت اشيا كثيره بحياتي
ماجد يتامل حركاتها باعجاب :تعجبيني لما تصيرين مطيعه يابنت خالي
فاطمه مالت قالتها بنفسه
ماجد طلع وهي طفت النور ورجعت نامت
(بعد مرور سته شهور)
فاطمه مثل ماهي عايشه حياة ذل وقهر كانت تحاول تشغل نفسها بشغل البيت وتتحاشا ماجد الي يغرد عليها بكلامه الجارح هو وامه كانت تحس بالعجز وقلة الحيله لانها ماتعرف وش صار على ابوها ومحاكمته وماجد مافكر يقولها أي شي اويطمنها عنه حتى
ماجد شاغله التفكير بفاطمه ومستغرب من قدرة تحملها كان يحاول يبعد الشعور الي يتملكه من يشوفها
(على الغدا عند ماجد)
كان جالس يتغدى وعيونه ماتفارق الي جالسه معهم تاكل قطع سرحانه صوت امه
ام ماجد باهتمام: ترى طولنا على خالتك متى بتخطب بنتها رسمي ان شالله
ماجد طالع بفاطمه تمنى يشوف منها أي ردة فعل بس انقهر لما شافها مو مهتمه بشي قال بنرفزه:متى ماتبين انا جاهز يمه
امه بخبث :اتوقع خالتك بتوافق بدون تردد
فاطمه ولا كنها موجوده او تسمع شي
ماجد حس بتوتر وانقهر ليش ما توترت من طاري زواجه وزاد اقهره قامت تشيل الصحون بدون أي اهتمام جت بتاخذ الصحن الي قدامه ددفها بقوة وقال بعصبيه :شفتيني خلصت عشان تشيلين
طاحت من دفته لها وانكسر صحن بيدها وجرحها ردت عليه باسى وحزن :اسفه علي بالي خلصت
ماجد تضايق من فعلته وقام لها مسك يدها بيشوف الجرح بس ماسرع مادفته وشالت صحونها وراحت للمطبخ
اول مادخلت المطبخ نظفت جرحها كان بسيط لفته بشاش تسندت على الطاوله تلكم نفسها ليش يسوي فيني كذا حرام والله حرام سمعت صوته مسحت بسرعه دموعها
ماجد تضايق من شكلها قال:تعورتي اشوف يدك
فاطمه بعصبيه :لاماتعورت واذ في خاطرك انتقام ثاني انا جاهزه بس عشان ترد كرامتك الي هدرها ابوي
ماجد مارد عليها وسحب يدها وفتح الشاش وهيه تصيح وتصارخ جرها وحضنها من الخلف كان شاد على خصرها فك الشاش وشاف الجرح كان يتامل اناملها وصغرهن بين يده تمنى انه هو المجروح معن الجرح بسيط رد يلفه بالشاش
فاطمه كانت تصيح وتقاومه تحس بقشعريره من قربه :وخر عني اكرهك اكرهك ياxxxx
لايترك يدها طبع عليها بوسه وقال :اسف وطلع عنها
فاطمه كانت شبهه منهاره ووقفت خلايا جسمها من بوسته راحت وحطت يدها تحت المغسله اعتبرتها نجاسه ولو بيدها صلخت مكان بوسته
ادخلت عليها لاراء وتخرعت من شكل فاطمه قالت:مدام في شي
فاطمه بعصبيه :مافيني شي وين كنتي كل هاذا غدا مع كومار(السايق زوج لاراء)
لاراء :هههههههههههههههههه
فاطمه ببنفرزه :لاراء خلي الضحك وخلينا نخلص عشان بروح ارتاح
لاراء باهتمام:مدام اذا تعبان روح نوم لايشتغل
فاطمه عشان يذبحني الوحش وامه
في غرفة ماجد
من دخل غرفته حاول ينام بس ماقدر والسبب انه يحس بنجذابه لها كل مره يزيد قال معقوله لاني مازلت عزابي وهاذي اول بنت تمر في حياتي الاكيد اني ا لازم استعجل بزواجي عشان اقدر انساها من بكره لازم استعجل بزواجي من روان
خطب ماجد روان وينتظر ردهم لانهم طولو بالتفكير
فاطمه عايشه حياتها مابين كتابة يومياتها مع هالعايله عشان يكون دليل لابوها على عمايلهم ويخلصها منهم بس يطلع تمنت تعرف متى يطلع كانت تدعي له بالفرج العاجل وبين شغلها في البيت الي يادوب تخليها لاراء تمسك شي حبتها من قلبها الانها الوحيده الي تواسيها وتشوف طلباتها كانت أي شي تحتاجه توصيها الان هي ممنوع عليها الخروج
ام ماجد باهتمام: ترى خالتك اتصلت اليوم تقول عندنا شرط مهم لتمام الزواج
ماجد :شرط شنو
انك اتطلق فاطمه اول مايطلع ابوها عاد انا قلت لها في هاذي معاك حق و تطمني هو ناوي يطلق بعد
ماجد عصب اشلون يسمحون لنفسهم يتحكمون بمصيرها انا بس الي اتحكم الانها لي
>>>>>ماقلت ماحبك ولاقلت مابيك
الحب مالي عيوني وانت تسواها
لوتدري شكثر تعنيلي تعرف انك
اخر امل في حياتي واول مناها<<<<<<
طلع فوق يرتاح سمع صوت ضحكتها من غرفتهاعجبه الصوت وراح بيشوف اول مادخل انصدم من الي شافه
(في غرفتة فاطمه)
كان منبهر بالي يشوفه كانت لابسه شورت ابيض لي نص فخوذها وتيشيرت نفس الون ورافعه شعرها فوق
كانت مندمجه وتفكر وماحست االي هو وقف متنح منبهر ويطالع في جسمها وخصرها الي كان باين من قصر التي شيرت كان سرحان ماحس الا وصراخها:انت ماتستحي تدخل عليه بدون ماتدق الباب
ماجد مارد
فاطمه بعصبيه:اكلمك ماتسمع
ماجد وهو مازال مبحلق :وانتي ماتستحين لابسه كذا
ممكن تفارق وياليت تعطيني مفتاح لغرفتي الان ماقدر اخذ راحتي وانت كل شوي ناط بوجهي
ماجد مجنون اعطيك مفتاح واحرم نفسي منك :لاتحاولين مافيه مفتاح وبعدين تستحين مني ولا تستحين من الخدامه علاقل انا حلال اشوف لكن هي حرام ولاشوفك لابسه قدامها كذا فاهمه وطلع وهو ماوده يطلع الان لو قعد بيخربها وهو لازم ينساها
فاطمه وقف شعر جسمها من كلامه انا لازم اقول للاراء تجيب لي مفتاح بديت اخاف من هالادمي
بعد ماطلع من عندها رمت نفسها علي سريريها ونامت علي بطنها ودموعها علي خدها ولسان حالها يقول
يارب الي متي هذا الحال الي انا فيه غفت عينها دون ان تحس ونامت بوضعها (علي بطنها)
ونور الغرفه مفتوح ومع دخول نصف اليل واذا بها تسمع صوت اقدام متوجها, الى غرفتها
تابع....
ونور الغرفه مفتوح ومع دخول نصف اليل واذا بها تسمع صوت اقدام متوجها, الى غرفتها لم تكن سوى أقدام
الخادمه لاراء كانت ذاهبه الي المطبخ ورأت انوار غرفه فاطمه وذهب حتي تطمن عليها عندما فتحت الباب وجدت
فاطمه جالسه و هِيَ شَاخِصَةٌ النظر في باب غرفتها وبيدها سكين وجدتها بصحن الفاكهه الذي وضعته عندها لاراء
وكان علي بالها أن من يتسلل الي غرفته هو ماجد عندما رأت لاراء أرتمت باأحضانها باكيه شاكيه حالها الي الله بأن يفرج همها ويخرج اباها من السجن
ام ماجد موسايعتها الدنيا من الفرحه بزواج ماجد وراوان كانوا مسوين حفلة الملكه بيت اهل روان والكل متجهز يفرح بهاليوم حتى فاطمه فرحت بزواج ماجد لان الزواج بيشغله عن تعذيبها وكانت تدعي ربها ان زوجته تكون طيبه
ماجد مو حاس بالفرحه لزواجه منروان حاول يبعد عن فاطمه قدر الامستطاع اخذ له اجازه اسبوع وراح الطائف و مكه للعمره عشان يرتاح من كثر التفكير وقبل الملكه بيوم رجع ولا التقى فيها
ام ماجد :يالاراء وين الي قلت لك عليه
لاراء :كلا جاهز مدام انا ودي سياره
ام ماجد :طيب روحي جيبي الحلويات وعطيها كوماريوديها بعد
لاراء: اوكي
دخل ماجد عليهم :سلام عليكم
امه:وعليكم السلام هلاوالله بالعريس
ماجد يتلفت يدور عيون غاب عنها اسبوع ومشتاق لها موت:عريس مره وحده الله يهديك يا امي خليني املك
امه :بتملك ان شالله
بغرفه فاطمه
دخل عليها حصلهاا تكوي ثوبه وقف يطالعها لهذي الدرجه انا رخيص عندها آآآآآه ياليتني ماوافقت على طلب خالي ولاشفتك يافاطمه قال(بستهزاء):شطوره فطوم هذي المره العاقله الي تجهز ثوب زوجها الي بيتزوج عليها مو مثل بعض حريم ذابحتهن الغيره
قال هالكلام يبي يغيضها باي شي
فاطمه فزت من سمعت صوته لانها ماحست فيه يوم دخل قالت بخاطرها مالت عليه من زوج علي باله بغير عليه لانه تزوج كيف اغار عليك وانا اكرهك كره العمى قلت ببرود:اكيد بجهز ثوبك وبفرح لزواجك بعد لان اذا مافرحت لزواج ولد عمتي (وشدت على ولد عمتي)بفرح لمين انا الله مازرقني بخوان فجاني اخو على كبر ابتسمت ابتسامه قهرته وكانت تقول بقلبها امحق من اخوى
ماجد الي تمنى يصكها كف على كلامها عشان تحس قال وهو ممتلي غيض :دريتي عن شرط خالتي عشان يتم زواجي من بنتها هي ماكانت تدري عن الشرط وهو ماقال لها
فاطمه الله يستر قالت بستغراب :لا مادريت ماجد وهو يمثل دور الفرحان :اشرطت ولا اقولك بلاش اخاف عليك من الصدمه
فاطمه مو شرط تقول حست أن الشرط يخصها بس افضل لك توافق علي شروط خالتك علشان ماتخسر حبيبتك روان برفضك لشرطهم ههههههههههه ضحكت له ضحكه بقهر
ماجد بجد تقهر وودى اتوطا ببطنها حرقت اعصابي بس ياليت روان تقدر تنسينياها عشان اقدر اطلقها لما يطلع ابوها سرح وهوه يطالع فيها وهي تكوي
فاطمه ارتبكت من نظراته وقامت ترجف الكاويه بيدها وبغت تحرق ثوبه صاحت فز ماجد من صوتها خاف لا تكون انحرقت يدها قال بخوف اشفيك عساك العمي
قالت بخوف: كااان بحترق ثوبك
ماجد بقلبه جعله فدوى بس لقاها فرصه علشان يرد علي كلامها الي قهره قبل اشوي فمسك الكاويه بيد ومسكها من رقبتها بيد وقرب الكاويه من وجهها وقال:عشان احرق وجهك بتخربين فرحتي انتي
فاطمه انتفضت من حركته معقوله بيشو وجهي قالت بخوف :اسفه
ماجد شافها تنتفض من الخوف تمنى يضمها ويطبع علي شفتيها الورديه اروع قبله ويقول اضحك معاك مو لهذي الدرجه عشان ثوب تركها ونزل الكاويه بعد ماتركها راحت لسريرهاا ودخلت بلحافها وتقول ياربي ساعدني وخلصني من ماجد كانت تشاهق وعيونها غارت بالدموع من الخوف وراح وراها جلس جنبها ومسك كتفها يهديها فزت لما مسكها وقامت وبعدت عنه وهي مازالت ترجف شاف عيونها عوره قلبه من شكلها مسح دموعها بيده وقال لها اسف ماكان قصدي بس قاطعتهه:لاتأسفسبق وقلت لك الطريقه الي تعجبك لرد كرامتك سوها بدون اعتذار
ماجد(بأسى):لالا لامو
قاطعته وصرخت:مابي اسمع شي اطلع بره ارجوك خلني بروحي حرام والله حرام
بعد المغرب
دخلت لاراء
:مدام تلفون يبي انتي
فاطمه(بخوف):منــــو؟؟؟
لاراء :مادري هي يقول ابي فاطمه
نــزلت فطوم وردت على التلفون
(بخوف):الوو
المــتصله:با استهزاء هاااي ازيك ياااااا فاطمه هانم
فاطمه(بتعجب):عفوا ماعرفتك من معاي
المتــصله:افا ماعرفتيني
فاطه لالا ماعرفتك
__________________
انتم يا احلي قراء خمنووو من المتصل
( اذا ماعجبتكم الروايه خبرونيي)

انتضر رد بعدين انزل البارت الرابع

كملييي

لعيونك يابصله خنينه
البارت الرآآآآآبع
____________________________
المــتصله:با استهزاء هاااي ازيك ياااااا فاطمه هانم
فاطمه(بتعجب):عفوا ماعرفتك من معاي
المتــصله:افا ماعرفتيني
فاطمه لالا ماعرفتك
أحسن مو شرط تعرفيني أهم شي أنا اعرفك وفي القريب العاجل راح تعرفيني زين كانت المتصله (روان) سمعت بجمالها وبدأت الغيره تحرق جسدها و الكره لفاطمه يزداد مع قرب زواجها من ماجد
(قبل الزواج بيومين)
فاطمه كانت تقايس فستانها وحاطه لها ميك اب وفاكه شعرها وتتدلع قدام لاراء
وتسألها وش رايك فيني
لاراء:واجد حلو
فاطمه :تتوقعين بلفت انتباه الحضور
ماجدكان طالع وسمع هالكلمه ودخل ونصدم منها (ياربيييييييه ملاك شكلي بهون عن روان دام عندي هالملاك
بنفسه اشفيك ياماجد استخفيت جننتك هالبزر ) كان يكابر رغم انه فاتح فمه يطالع فيها
فاطمه كانت مبتسمه بخجل قالت:شرايك
ماجد ياويل حالي ويلاااه انصدم لما سالته عن رايه لدرجه قام يتلفت يشوف فيه احد جنبه :هاه
تنح الولد صاب جسمه رعشه
فاطمه:اشفيك حلوه او لا
ماجد ياولي كيف مو حلوه إلا تاخــــذين العقل بس ليش هذي الكشخه وبعدين كم مره قلت لك لاتفصخين عند الخدامه ماتفهمين انتي طالع ناحيه لاراء واشر لها تطلع براء
فاطمه حسبي الله عليك افصخ مرة وحده اولامافصخت على قولتك وانا ناديتها اخذ رايها بالفستان
ماجد قاطعها بسرعه :انا موجود اخذي رايي هع هع تحلم
فاطمه انحرجت من كلامه قالت:اصلا كنت مسويتها لك مفاجئه وماتشوفني الا يوم الزواج
ومن قال انك بتروحين للزواج اصلا
فاطمه :لا تكفى خلني اروح والله مليت ابطلع من زمان ماشفت الناس
ماجد بعصبيه :قلت لا يعني لا
فاطمه بحزن :طيب ليشششششششش
ماجد :كيفي عندك مانع
فاطمه لا تراك زودتها :بصفتك مين تتحكم فيني
ماجد بسحريه :زوجك ومابي احد يشوفك جايه للعرس اخاف يجرحونك بكلامهم ويقولو لك خدامه ومن هذا الكلام
فاطمه لا يحنون:اولا الناس تعرف بطريقة زواجنا انه على ورق بس وبعدين لاتشيل هم ماراح يهمني كلام الحريم لانه مايعني لي شي
ماجد جاه كلام فاطمه مثل السهام بصدره قال بعصبيه:روحه مافيه لو اطر اربطك بالسرير واذا موخايفه على مشاعرك انا خايف على مشاعري قدام زوجتي
فاطمه xxxx:هذا انتقام جديد صح
ماجد:اعتبريه مثل ماتبين
فاطمه نذل عمري ماشفت العن منك :خلاص ما راح اروح مو مسألة اني خايفه حد يجرحني ويقول ليش تزوج عليك لا عشان الوعد الي قطعته على نفسي اني راح اتحمل أي انتقام منك عشان ترد حقك ولا على التجريح بالعكس كان يوم السعد عندي يوم فكرت تزوج
ماجد ثار جنونه من كلامها ومسكها من خدودها وهو يصرخ :بتتحملين أجل تحملي الحين تفحص جسمها بنظراته خافت وندمت على الي قالته نزل يده عند صدرها وجلس يتحسس الفستان وهيه شوي ويغمى عليها قالت :له تعوذ من ابليس واقصر الشر ارجوك
ماجد :مو قلتي بتتحملين تحملي وبحركه سريعه شق فستانها من قدام كله وهيه تصارخ نذل xxxx وكانت تبعد يده عنها ولانها لابسه كعب عالي تعثرث رجلها وطاحت
ماجد مـــو ناااوي يسوي فيها شي بس حب يخرب فستانها الي زاد من جمالها الي مو قادر يوصله قال بقلبه(تعبت ارحميني يابنت الحلال)
جالسه تصيح من األم وكانت تحاول تغطي جسمها لاكن ايش تغطي كانت شبه عاريه تربع ماجد عند رجولها وقعد يفك الكعب وهي تصارخ
ماجد ياربي شكلها انكسرت شسويت ياويلي لا تسمع امي صراخها وتجي تشوفها كذا قام وفتح ادولاب وطلع لها بجامه قال:تقدرين تلبسين ولا اساعدك
فاطمه كانت تصرخ وتنادي على لاراء وتقوله اطلع بره اكرهك اكرهك
وقف وقال:اسمعي لاراء لو ايش يصير مرا اح اخليها تدخل عليك وانتي كذا فحاولي تلبسين عشان اوديك المستشفى شكل رجلك انكسرت
فاطمه وهي تشاهق :طيب اطلع بره بألبس
ماجد ليت تقول ساعدني ههههههه
فاطمه لبست بصعوبه وهيه تناظر فستانها كانت فرحانه فيه لكنه خربه قالت يارب ارحمني من هالظالم حاولت تقوم بس رجلها عورتها وصرخت سمع ماجد صراخها ودخل لقاها على سريرها بتنام قال:قومي اوديك المستشفى
قالت مابيك توديني خلني كذا عشان ترضي غرورك بذلي وتوفي حقك
ماجد والله انتي تبيني اكسر الثانيه مااهتم لكلامها جاب عبايتها وحاول يلبسها غصب وهيه من شدة االم رضخت ولبست جا بيشيلها رفضت وتسندت عليه وطلعت بس لما وصلت عند الدرج مااهتم لرفضها وشالها ونزل
حست بالاحراج من شيلته مرو على امه الي أخترعت من شكل عيونهاوخشمها قالت:اشفيها
ماجد يوه يمه هذاوقت تحقيق:طاحت وهي تنظف بغرفتها
(في المستشفى)
طلع معاها كسر وجبسو رجلها وشالها مرتن ثانيه وطلعها السياره
فاطمه رغم الي سواه ألا انها تحس بخوفه عليها وكانه يحبها
ماجد والحديث بالسياره :الحمدالله الكسر خفيف يبغالك اسبوعين عشان يجبر غفت عيونها وهو يتكلم وجلس يطالعهاوهي نائمه
ولسان حاله يردد
فطومتي كل الحلا فيها
أحترت أنا مدري شسميها
في حسنها كن البدر ضاوي
أخت القمر محد يساويها
وصلوا البيت وفاطمه مانتبهت كانت نائمه نزل ماجد و فتح لها الباب وتسندت عليه ودخلو ماحصلو احد احد شكلهم ناموا لما وصلو الدرج جا بيشيللها قلت:لا اقدر اطلع وبعدين ثقيل عليك الجبس
ماجد ثقيله ماتدري انهاعنده خفيفه حتى بالجبس قال:الي سمعك يقول لا انك دبااا تصدقين ماحس اني شايل شي يلاوبحركه خفيفه شالها حطت راسها على صدره بستسلام اول مره تحس بالامان من ناحيته جلست تفكر ليش مايبيني احضر زواجه معقوله زوجته طالبه هالشي بس هو قال اخاف يجرحونك بكلامهم من أي ناحيه انه تزوج عادي اصلا انا انفرضت عليه مااخذني برضاه وصلو غرفتها وقف فيها فتره رفعت راسها وقالت له :وشفيك نزلني
ماجد ليش رفعتي راسك كأنك سمعتي صوت قلبي وهو يهلوس فيك صدق ماودي انزلك مستانس كذاا
فاطمه معقوله ؟ هذا ماجد
ماجد موسايعته الدنيا وناسى زواجه الي بعد بكره قال:بدور فيك لين تنامين مثل البزرران
فاطمه ياربيييي ذوبني بكلامه معقوله ماجد فيه ذرة رومانسيه لاماصدق كنت اتوقع كونه ضابط عديم احساس انا مابي انام
ماجد يافرحتي تبيني اسهر معاها جلسها على السرير
فاطمه ممكن اجلس بروحي
ماجد :مراح اخليك بجلس عندك لين تنامين اخاف تحتاجين شي
فاطمه ياربي شالورطه :مراح احتاج شي وان احتجت بنادي لاراء
ماجد ياكرهي لاراء شكلي من بكره مسفرها قال افا اعرض عليك خدماتي تقولين لاراء
فاطمه اشفيه علي لاراء حاسدني لانها الوحيده الي تحبني في هالبيت
ماجد طرا في باله فكره :تصدقين جوعان لانا ماتعشينا بروح اجيب لنا شي ناكله
فاطمه كانت ميته من الجوع بس تكابر:لاماشتهي
ماجد باصرار:لاراح تاكلين
فاطمه سكتت وتذكرت الكفوف وهزت راسها بالموافقه
بعد ربع ساعه جا ومعاه العشا
دخل الغرفه ماحصلها سمع صوت بالحمام
بعد فتره طلعت وهي لابسه روب الحمام لما شافته خافت
ماجد فاتح فمه يناظر فيها قالت:له ممكن تطلع بلبس
ماجد بخبث:ليش ماتبين مساعده لاتقولين لاراء تساعدني ترى قسمن اذبحها
فاطمه جسمها يتراعد من الخجل والخوف وهذا مومهتم قالت :لامشكور لا انت ولا لاراء بس اطلع
ولبست برمودا حمرا بخطوط كحليه سبورت ونادته
ماجد يوم شافها قال بقلبه فديت الرياضي ياناس واحمر بعد ناويه عليه انتي قال :يلا بيبرد الاكل
فاطمه اجلست تاكل على خفيف
ماجد :ليش ماتأكلين شكلي بخلص لاكل وانتي تتفرجين
فاطمه انغمرت عيونها بالدموع تذكرت ابوها اشلون كان يغصبها على الاكل امسحت دموعها
ماجد حس فيها قال:اشفيك متضايقه
فاطمه :لابس تذكرت شي
ماجد باسى :زعلك معايه وشقي لفستانك
فاطمه خلصت اكلها ومسحت وجت بتقوم ساعدها جلسها على السرير طلع الاكل برا وغسل وجا جلس جنبها
فاطمه انسدحت وتشاهق وتبكي ماتدري ايش السبب هل هو صدق ذكرى لابوها او لحب انولد داخلهاجلس ماجد بالجهه الثانيه من السرير وقعد يمسح على راسها ومافتح معاها أي موضوع كان قلبه يتعصر على صوت بكائها وده يضمها يحسسها بلامان بس خاف ترفض
فاطمه ماعارضت يده الي تمسح على راسها لانها فعلا محتاجه لحد يواسيها بضياعها بكت لين نامت
ماجد لما شافها نامت غطاها وطبع على خدها بوسه وطلع عنها <<<<
_______________________________
ايش توقعون بيكون البارت القادم
وهل بتقدر روان تنسيه فطووم
خليكم معايه ونشوف
تحياتي لكم

يسلمو

الله يسلمك

البارت مو الحين بنزله بعدين انتضر رد

وينزل

نزلي

بنتظار البارت القادم

يغلق الموضوع مقدر انزل